शुक्रवार सिनेमाः ‘मंगलम’ र ’हुर्रे’ र ‘गाजा बाजा’, रोजेर हेर्नुस्

काठमाडौं, २५ फागुन – आज शुक्रवारदेखि नेपालमा एक साथ तीन चलचित्र रिलिज भएका छन् । यो हप्ता चलचित्र ‘मंगलम’ र ’हुर्रे’ र ‘गाजा बाजा’ एकसाथ रिलिज भएका हुन् ।अहिले जुधेका तीनै चलचित्र भने फरक विषयवस्तुमा निर्माण भएका चलचित्र हुन् ।  जानराका हिसाबले फरक भएपनि नेपाली चलचित्र मेकिङका हिसाबले भने खासै फरक पर्दैनन् । नामकै कारण विवादमा आएको चलचित्र ‘गाजा बाजा’ रिलिज भएको छ । जुन कथा भूकम्पपछिको समयमा गाँजा खोज्दै हिँड्ने युवाको कथामा आधारित छ ।चलचित्र हुर्रेमा भने केही चलेका कलाकारलाई पनि छन् । केकी अधिकारी, राजाराम पौडेल, अनुपविक्रम शाही लगायतका कलाकारको अभिनय रहेको चलचित्र ‘हुर्रे’ कमेडी जानरामा निर्माण गरिएको भनिएको छ । यो चलचित्रलाई पशुपतिनाथ मन्दिर वरिपरि खिचिएको छ । ट्रेलरले भने औसत प्रतिक्रिया पाएको छ ।अर्को चलचित्र ‘मंगलम’ छवि ओझाले निर्माण गरेको चलचित्र हो । चलचित्रमा शिल्पा पोखरेल र पुष्पल खड्का मुख्य रुपमा छाएका छन् यतिबेला । प्रेमको कथामा उनिएको चलचित्रलाई  पारिवारिक चलचित्र भनिएको छ । लामो समयदेखि रिलिजमै अल्झिएको चलचित्र अझै पनि रिलिजमै छ ।