न्यूयोर्कको नदीमा हेलिकोप्टर खस्दा दुईको मृत्यु

न्यूयोर्क, २८ फागुन । अमेरिकाको न्यूयोक सहरको ‘इस्ट रिभर’ नामक नदीमा हेलिकोप्टर खसेको छ ।६ जना सवार सो हेलिकोप्टर नदीमा खस्दा दुई जनाको मृत्यु भएको छ भने उद्धार गरिएका मध्ये ३ जनाको अवस्था चिन्ताजनक रहेको न्यूयोर्क प्रहरीले बताएका छन् ।न्यूयोर्क प्रहरीका अनुसार हेलिकोप्टरका पाइलट भने आफ्नो ज्यान जोगाउन सफल भएका छन् ।अधिकारीका अनुसार, फोटोसुटका लागि चार्टर गरिएको थियो । स्थानीय समयअनुसार साँझ ७ बजे उक्त हेलिकप्टर रुजभेल्ट टापु नजिकै दुर्घटनाग्रस्त बनेको थियो ।