सैनिक विमान दुर्घटना, ६ को मृत्यु

डकार, १ चैत – सेनेगलको दक्षिणी भागमा बुधबार भएको एक विमान दुर्घटनामा परी कम्तीमा छ व्यक्तिको मृत्यु भएको छ ।यस घटनामा परी अन्य १४ जना घाइते भएका छन् ।चालकदलका सदस्यसहित २० यात्रु सवार रहेको सो हेलिकोप्टर तटीय क्षेत्र मिस्सीराहस्थित म्याङ्गरोभे जङ्गलमा खसेको जनाइएको छ ।यस हेलिकोप्टरका चार चालक दलका सदस्यसहित २० यात्रु रहेका सैनिक प्रवक्ताले एएफपी समाचार समितिलाई बताउनुभएको छ ।सेनाले जारी गरेको विज्ञप्तिअनुसार उद्धारकर्ताले छ व्यक्तिको मृत्यु भएको जानकारी दिएका छन् ।यस घटनामा परी घाइते भएका १४ जनको क्षेत्रीय अस्पताल काओलकमा उपचार भइरहेको र तीमध्ये तीन व्यक्तिको अवस्था गम्भीर रहेको जनाइएको छ ।यस दुर्घटनाको कारण अनुसन्धानरत रहेको जनाइएको छ ।