फ्राइडे रिलिजमा देशभर नीताको ‘पञ्चायत’

काठमाडौँ, २ चैत- शुक्रबारबाट चलचित्र ‘पञ्चायत’ प्रदर्शनमा आएको छ ।फ्राईडे रिलिज अन्तर्गत ऐतिहासिक विषयवस्तुमा निर्माण भएको यो चलचित्र देशभर एकसाथ सार्वजनिक प्रदर्शनमा आएको हो ।अभिनेता सरोज खनाल र अभिनेत्री नीता ढुंगानाको मुख्य भुमिका रहेको चलचित्र शिवम् अधिकारीले निर्देशन गरेका हुन् । सरोज चलचित्रमा मुखियाको भुमिकामा छन्, भने नीताले १४ बर्षीया किसोरीको भुमिका निर्बाह गरेकी छन् ।बिदेशमा आयोजना भएका अन्तराष्ट्रिय फिल्म महोत्सवमा विभिन्न अवार्ड समेत जित्न सफल ‘पञ्चायत’मा रुपा राना, गीता अधिकारी, गणेश गिरी, जाहान्वी बस्नेत, विशाल पहारी, किरण थापा, राजुबाबु श्रेष्ठलगायतको अभिनय देख्न सकिन्छ ।ग्रामीण परिवेश र पुरानो संस्कृति झल्काउने चलचित्रमा गणेश गिरीको प्रस्तुति तथा सुशान्त श्रेष्ठ र शंकर सुवेदीको लगानी छ । चितवनका सञ्चारकर्मी रवि अधिकारी यसका कार्यकारी निर्माता हुन् ।