म चुम्बन दृश्य र बेड सिन दिन्नः नायिका आँचल शर्मा

काठमाडौं, ४ चैत – अभिनेत्री आँचल शर्माले आफूले कुनै पनि फिल्ममा चुम्बनको दृश्य नदिने र बेड सिन पनि नदिने बताएकी छिन् ।फिल्म ‘शत्रु गते’ युनिटले आयोजना गरेको एक पत्रकार सम्मेलनमा उनले आफूले चुम्बनको दृश्य दिनुपरे फिल्म नै नखेल्ने बताइन् ।‘मैले पहिले पनि भनेकी थिएँ, म चुम्बन र बेड सिन गर्दिन भनेर, यदि त्यस्तो फिल्म गर्नुपर्ने शर्त आए फिल्म नै खेल्दिन ।’, उनले भनिन् ।यतिबेला चलचित्र ‘शत्रु गते’ को प्रचारमा खुलेर लागेकी अभिनेत्री आँचल शर्मा आफूले गरेका फिल्ममा खुलेरै प्रचारमा लाग्ने गर्छिन् । अब आउँदो शुक्रवार अर्थात् चैत ९ गते फिल्म रिलिज हुँदैछ ।चलचित्रलाई प्रदीप भट्टराईले निर्देशन गरेका छन् भने चलचित्रमा मदनकृष्ण श्रेष्ठ, हरिवंश आचार्य, दीपकराज गिरी, पल शाह, आँचल शर्मा, किरण केसी लगायतका दर्जनौं कलाकारले अभिनय गरेका छन् ।