दशैँ नजिकिएसँगै बढ्यो सुनको मूल्य

काठमाडौं । बुधवार नेपाली बजारमा सुनचाँदीको मूल्य बृद्धि भएको छ ।

मंगलवारको तुलनामा बुधवार प्रतितोला छापावाल सुनको मूल्य ८ सय रुपैयाँले बृद्धि भएको नेपाल सुन चाँदी व्यवसायी महासंघले जनाएको छ ।

मंगलवार सुनको मूल्य ९४ हजार ७ सय रहेकोमा आज मूल्य बृद्धि भइ आज सुनको मूल्य ९५ हजार ५ कायम भइ कारोवार भइरहेको महासंघले जनाएको छ ।

त्यस्तै तेजावी सुनको मूल्य ९५ हजार रहेको छ ।

त्यस्तै बुधवार चाँदीको मूल्य तोलमा ३० रुपैयाँले बृद्धि भएको छ । महासंघका अनुसार प्रतितोला चाँदीको मूल्य १२ सय ४० पुगेको छ ।