जाजरकोट पुगेर रेखाले खोजिन् बाल कलाकार

काठमाडौं, ५ चैत – अभिनेत्री रेखा थापा यतिबेला बालविवाहको विषयमा सक्रिय छिन् । यसैबीच उनले आफूले निर्माण गर्न लागेको चलचित्र ‘लाल मस्तिष्क’ का लागि जाजरकोट पुगेर एक बालिकाको खोजीमा लागेकी छिन् ।बालविवाह विरुद्धको अभियनका लागि उनले बालिकाको खोजी गरेको रेखाले बताएकी छिन् । उनले निर्माण गर्न लागेको चलचित्रको मुख्य कथा बालविवाह रहेको छ । चलचित्र रेखा फिल्मसको ब्यानरमा निर्माण हुन लागेको हो । प्रशिक्षक नरबहादुर कार्की र रेखा थापाले १५ देखि १७ वर्ष उमेरकी एक बालिकाको खोजी गरेका हुन् ।जाजरकोट क्षेत्रमा बालविवाहको दर बढी भएकाले यही प्रदेशकी बालिकालाई अभिनय गराउन चाहेको रेखाले बताएकी छिन् । फिल्ममार्फत चेतना फैलाउने उद्देश्यले फिल्म निर्माण गर्न लागिएको हो ।