भनिन्छ- बैंसमा होश पु-याउनु जरूरी हुन्छ । यसका लागि केही उपाय अपनाउनुपर्ने हुन्छ र पुरुषले नै यसमा ठूलो भूमिका निर्वाह गर्नुपर्छ ।
तपाईले प्रेमिकाका लागि सुरक्षित वातावरण निर्माण गर्नुपर्छ । उनले तपाईंमाथि विश्वास गर्न र आफ्ना कुरा नडराई राख्न सक्नुपर्छ । उनले बोल्दा बीचैमा कुरा काट्नु ठीक हुन्न । झगडै प-यो भने पनि जथाभावी बोल्नुहुँदैन । धम्की दिनु हुँदैन । बरू अलि टाढा जाने अनि लामो सास लिएर शान्त हुने कोशिश गर्नुपर्छ ।
आफ्ना भावनालाई तथ्यबाट छुट्याएर हेर्नुपर्छ । कतै मैले उनीप्रति गरेको व्यवहार गलत त छैन भनी तपाईंले आत्मनिरीक्षण गर्नुपर्छ । यसो गर्दा बल्ल तपाईंले प्रेमिकालाई बुझ्न सक्नुहुन्छ अनि द्वन्द्व रोक्नुहुन्छ ।
करुणाको भावना विकास गर्नुपर्छ । एक अर्कालाई यस्तो र उस्तो भन्नु ठीक हुन्न । बरू आफूलाई खुल्ला राख्नुपर्छ । प्रेमिकालाई उचित आदर दिनुपर्छ । करुणापूर्वक प्रेमिकासँग व्यवहार गर्दा उनी आफ्नी हुन्छिन् ।
प्रेमिका आफूभन्दा फरक छिन् भने फरकै रहन दिनुस् । कुनै पनि मान्छे पूरै अर्को मान्छे जस्तो हुन सक्दैन । फरक फरक रुचि र विचारलाई सम्मान गर्न सक्नुपर्छ ।
यो खबर पढेर तपाईलाई कस्तो महसुस भयो ?
प्रतिक्रिया