टोकियोमा मात्रै एकैदिन ६ सयभन्दा बढी कोरोना संक्रमित फेला, कति पुग्यो कुल संक्रमित ?

जापान । जापानको राजधानी टोकियोमा बिहीबार पहिलो पटक एकैदिन कोरोनाभाइरसबाट छ सयभन्दा बढी संक्रमित  भएका छन् । दैनिक सङ्क्रमितको सङ्ख्यामा अत्यधिक वृद्धि भएपछि उच्च सतर्कता अपनाउन स्वास्थ्यकर्मीहरुले सबैलाई आग्रह गरेका छन् ।

टोकियोमा मात्रै ६०२ जना सङ्क्रमित भएको दिन देशभरी भने दुई हजार ८१० जना संक्रमित भएका छन् । जापानमा कोरोनाभाइरसको संक्रमण सुरु भएदेखि अहिलेसम्म कुल एक लाख ६८ हजार ५७३ जना कोरोनाभाइरसबाट संक्रमित भएका छन् भने दुई हजार ४६५ जनाको मृत्यु भएको छ ।

“अवस्था अझै सामान्य भएको छैन, बरु थप गम्भीर भएको छ, यसलाई हेलचक्रयाई नगरौँ ।” टोकियोका गभर्नर यूरीको कोइकेले भने । उनले अत्यावश्यक काम बाहेक घर बाहिर ननिस्कन पनि सवैलाई आग्रह गरेका छन्।