काठमाडौं । दिनभरमा मधुमेहका रोगीले १६ सयदेखि १७ सय क्यालोरी लिनुपर्छ । मधुमेह नियन्त्रणका लागि सन्तुलित आहार हुनुपर्छ । साथै सहि समयमा खानपान गर्नुपर्छ ।
यसका साथै आफ्नो दिनचर्यामा व्यायाम र योग पनि सामेल गरियो भने मधुमेह नियन्त्रण हुन्छ ।
गुलियो
मधुमेहको रोगीले गुलियो खानेकुराको सेवन गर्नु हुँदैन । कतिले गुलियो रुचाउँदैनन्, यद्यपी उनीहरुलाई मधुमेह भएको हुन्छ । त्यसैले गुलियो खानु नै मधुमेह हुने कारण मान्न सकिदैन । तर, यसले मधुमेहलाई बढाव दिन्छ ।
यी फलफूल
फलमा केरा, स्याउ, आप, लिची, अंगुर सेवन गर्नु राम्रो होइन । यसका साथै फलको रस पिउनुभन्दा फल नै सेवन गर्नु ठीक हुन्छ ।
अधिक कार्बोहाइड्रेट र बोसोयुक्त
अधिक कार्बोहाइड्रेट र वोसोयुक्त आहारले शुगर बढाउने संभावना अधिक हुन्छ । त्यसैले डाइटमा यस्ता खाद्य पदार्थ कम खानुपर्छ, जसमा कार्बोहाइड्रेट वा बोसोको मात्रा बढी हुन्छ । जस्तो कि, चामल ।
जंकफूड
मधुमेहमा जंगफूड, केक, आइसक्रिम पनि उपयोगी मानिदैन ।
मैदाजन्य
नुडल्स, नान र मैदाले बनेको रोटी सेवन नगरौ ।
कोल्ड ड्रिंक
कोल्ड ड्रिंक, सर्बत, चिनीयुक्त पेयबाट टाढै रहनुपर्छ ।
तेल र घिउ
खानामा नरिवलको तेल वा घिउको सेवन नगरौ ।
आलु र पिंडालु
आलु, पिंडालु सेवन नगरौ ।
मधुमेहमा डाइट टिप्स
– सधै समयमा खाना खाने गरौ । खाना स्वस्थ्य हुनुपर्छ । एकसाथ धेरै खानेकुरा होइन, पटक पटक थोरै थोरै खानेकुरा सेवन गरौ ।
– मिठाई खान मन भए चिनी नभएको मिठाई सेवन गरौ । त्यो पनि धेरै होइन ।
– मधुमेह रोगीले लामो समय भोको बस्नु हुँदैन । उपवास बस्नु उपयुक्त हुँदैन ।
– भोजन गर्नुअघि थोरै सलाद खानुपर्छ । खानेकुरा विस्तारै चपाएर खानुपर्छ ।
– मदिरा, वियर जस्ता नसालु पदार्थबाट टाढै रहनुपर्छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया