काठमाडौं । उपत्यकाको सुरक्षा कमान्ड अतिरिक्त प्रहरी महानिरीक्षक (एआईजी) हरिबहादुर पालले सम्हालेका छन् । महानगरीय प्रहरी कार्यालय रानीपोखरीमा एआईजी हरिबहादुर पाल आएका हुन् ।
बिहीवार रानीपोखरीमा आयोजित कार्यक्रममा एआईजी विश्वराज पोखरेलको बिदाइ तथा पालको स्वागत गरिएको हो ।
यसअधि डीआईजी प्रमुख रहँदै आएको महानगरीय कार्यालयमा एआईजीको जिम्मेवारी दिइएको हो ।
मन्त्रिपरिषद्को निर्णयले प्रहरी प्रधान कार्यालय कार्य एवं अपराध अनुसन्धान विभागमा कार्यरत पाललाई महानगरीय प्रहरी कार्यालय रानीपोखरी सरुवा गरिएको थियो ।
हाल महानगरीय प्रहरी कार्यालय रानीपोखरीका प्रमुख विश्वराज पोखरेलको भने अपराध अनुसन्धान विभागमा सरुवा भएको छ ।
यो खबर पढेर तपाईलाई कस्तो महसुस भयो ?
प्रतिक्रिया