काठमाडौं । कोरोनाका कारण सारा विश्वमा अहिलेसम्म १४ हजार ७ सय ७६ जनाको मृत्यु भएको छ । भाइरसबाट बच्नको लागि सारा विश्वले बिभिन्न उपायहरु अपनाईरहेको छ ।
यसैबीच एउटा अनौठो घटना सार्वजनिक भएको छ । उक्त घटना चीनको भएको अन्तर्राष्ट्रिय सञ्चारमाध्यमहरुले बताएका छन् । कोरोनाको उत्पत्ति थलो चीनको यो भिडियो अहिले अत्याधिक भाइरल बनिरहेको हो ।
भिडियोमा एक व्यक्ति एउटा स्कुटीमा ५ महिलाहरुलाई राखेर घुमाईरहेको देख्न सकिन्छ । एक अन्तर्राष्ट्रिय सञ्चारमाध्यमका अनुसार सारा विश्व कोरोनाको त्रासमा रहेको बेला ६ जना मानिसहरु बिना मास्क नै स्कुटीमा चढिरहेका छन् ।
यो भिडियो भाइरल बन्ने बित्तिकै प्रहरीले उनीहरुलाई गिरफ्तार गरेको छ । उनीहरुले प्रहरीलाई ति पाँँच जना महिलाहरु आइसक्रीम पसलमा काम गर्ने भएको र उनीहरुले उक्त युवकसँग लिफ्ट मागेकोले ५ जना महिलाहरुलाई चढाएको बताएका छन् ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया