शेयर बजारमा उछाल : ८८ अंकले बृद्धि, हालसम्मकै उच्च परिसुचक

काठमाडौं । साताको शुरुको दिन आज (आइतवार) शेयर बजारमा ८८ दशमलव १२ अंकले बृद्धि भएको छ ।

नेपाल स्टक एक्सचेञ्ज (नेप्से) का अनुसार आज कारोबार शुरु भएदेखि तीव्र गतिमा बढ्न थालेको परिसूचक दोहोरो अंकले वृद्धि भइ २ हजार १ सय ७५ अंकमा आएर रोकिएको छ । यो हालसम्मकै उच्च विन्दुमा रहेको नेप्सेले जनाएको छ ।

आज नेपाली बजारमा १ करोड ४० लाख कित्ता सेयर खरिदबिक्री भएको छ । जसको मूल्य ६ अर्ब ३४ करोड रूपैयाँ रहेको छ। यो गत साताको बिहीवारको तुलनामा १ अर्ब ८८ करोड रूपैयाँ बढी रहेको नेप्सेले जनाएको छ । नेप्सेका अनुसार आज एकैदिन शेयर बजारमा ४ दशमलव २२ प्रतिशतले बृद्धि भएको छ ।