काठमाडौँ– आगामी माघ २ गतेदेखि नेपाली बजारमा अहिलेसम्मकै सबैभन्दा ठूलो आइपीओ आउने भएको छ ।
नेपाल इन्फ्रास्ट्रकचर बैंक ‘निफ्रा’ले माघ २ गतेदेखि सर्वसाधारणलाई आईपिओ निष्काशन गर्ने भएको हो । बैंकले एक सय रुपैयाँ अंकित दरका ८ करोड कित्ता शेयर अर्थात ८ अर्ब बराबरको आईपिओ निष्काशन गर्नेछ। कुल आइपीओको ५ प्रतिशत सामुहिक लगानी कोषको लागि छुट्याईएको छ भने कर्मचारीलाई ०.०२ प्रतिशत शेयर छुट्याईएको छ। बाँकी रहेको शेयर सर्वसाधारणको लागि निष्काशन हुनेछ ।
आवेदन गर्नेले ६० देखि ८० कित्तासम्म सेयर पाउने सम्भावना छ । बैंकले भोलि मंगलवार आह्वान पत्र प्रकाशित गर्दैछ।
नेपाल धितोपत्र बोर्डले बैंकलाई पुस १० गते शुक्रवार आइपीओ निष्काशनको अनुमति दिएको थियो । हाल बैंकको चुक्ता पुँजी १२ अर्ब रहेकोमा आइपीओ निष्काशनपछि पुँजी २० अर्ब पुग्ने छ । आइपीओ निष्काशनको लागि एनआइबिएल एस क्यापिटल बिक्रि प्रबन्धक रहेको छ ।
चालु वर्षको पहिलो त्रैमास अनुसार बैंक १८ करोड रुपैयाँ नाफामा छ।
यो खबर पढेर तपाईलाई कस्तो महसुस भयो ?
प्रतिक्रिया