अहिलेसम्मकै ठूलो आईपीओ माघ २ गतेदेखि निष्कासन हुने

बैंकले एक सय रुपैयाँ अंकित दरमा ८ करोड कित्ता शेयर अर्थात् ८ अर्ब बराबरको आईपिओ निष्काशन गर्न लागेको हो । कुल आईपीओमध्ये ०.२० प्रतिशत अर्थात् १ लाख ६० हजार कित्ता बैंकका कर्मचारीको लागि, ५ प्रतिशत अर्थात् ४० लाख कित्ता सामूहिक लगानी कोषका लागि छुट्टाइएको छ भने ७ करोड ५८ लाख ४० हजार कित्ता आईपीओ सर्वसर्वसाधारणका लागि छुट्याइएको छ ।

बैंकको सो आईपीओमा माघ ६ गतेसम्म आवेदन दिन सकिनेछ। सो अवधिभित्र पूर्ण आवेदन नपरेमा निष्काशन अवधि माघ १६ गतेसम्म थपिनेछ।

हाल बैंकको चुक्ता पूँजी १२ अर्ब रुपैयाँ रहेको छ। ८ अर्ब रुपैयाँबराबरको आईपीओ बाँडफाँटपश्चात बैंकको चुक्ता पूँजी २० अर्ब पुग्नेछ।