काठमाडौं । एन आई सी एशिया लघुवित्त वित्तीय संस्थाले आर्थिक वर्ष २०७७/७८ को दोस्रो त्रैमासको आर्थिक प्रतिवेदन प्रकाशन गरेको छ ।
यस संस्थाले आ.व. २०७७/७८ को दोस्रो त्रैमाससम्ममा कर्जा लगानी ८ अर्ब ५५ करोड पुर्याउने सफल भएको र बचत संकलन तर्फ १ अर्ब ४ करोड पु¥याउन वित्तीय संस्था सफल भएको बैंकले कम्पनीले जनाएको छ ।
त्यस्तै वित्तीय संस्थाले आफ्नो रणनीति अनुसार कर्जा लगानीलाई विविधिकरण गर्दै आएको छ । यस त्रैमासमा वित्तीय संस्थाको निश्कृय कर्जा अनुपात ०.९६ प्रतिशत र प्रतिशेयर आम्दानी २१.५९ रहेको छ । त्यसैगरि संस्थाले दोश्रो त्रमासमा खुद नाफा १५.९७ करोड आर्जन गरेको छ ।
यसका साथै संस्थाले स्वदेशी लघुवित्त वित्तीय संस्थासँग गाभ्ने/गाभिने (मर्जर) गर्ने सम्बन्धी अन्तीम सम्झौतापत्रमा पुस १० गते हस्ताक्षर गरेको जनाएको छ । गाभ्ने/गाभिने (मर्जर) सम्बन्धी सम्पूर्ण कार्य सम्पन्न गरी मर्जर पश्चात् एन आई सी एशिया लघुवित्त वित्तीय संस्था लिमिटेडको नामबाट एकीकृत रुपमा कारोवार संचालन हुने गरी कार्ययोजना (एक्सन प्लान) सहित देशकै सबै भन्दा ठूलो शाखा संजाल र चुक्ता पूँजी भएको एक सबल सक्षम एवं विश्वसनीय लघुवित्त वित्तीय संस्थाको रुपमा स्थापित हुने दाबी कम्पनीको रहेको छ ।
संस्थाको कर्णाली प्रदेश लगायत मुलुकका विकट पहाडी तथा हिमाली जिल्लाहरुमा समेत गरी कूल १२० शाखा संचालनमा रहेको छ भने स्वदेशी लघुवित्त वित्तीय संस्था लिमिटेडको नेपाल भरि ८५ शाखा संचालनमा रहेका छन् । मर्जर पश्चात कुल शाखा संख्या २०५ शाखा हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया