काठमाडौं – बलिउड अभिनेता आमिर खानले मोबाइल फोन नचलाउने निर्णय गरेपछि उनका धेरै प्रशंसकले चिन्ता व्यक्त गरेका छन् ।
उनले आफ्नो आगामी चलचित्र ‘लाल सिंह चढ्डा’मा कुनै पनि असर नगरोस् र त्यसको तयारी राम्ररी गर्न पाउँ भनेर फोन नचलाउने निर्णय गरेको जनाएका छन् । अभिनेताले ‘लाल सिंह चड्डा’ रिलीज नहोउन्जेल मोबाइल फोन नछुने निर्णय गरेका छन् ।
मोबाइल फोनले आफ्नो कामप्रतिको लगावलाई भंग गरेको भन्दै उनले आफ्ना हरेक फिल्मका हरेक भूमिकालाई उत्कृष्ट बनाउन ध्यान दिने भएकोले फोन नचलाउने निर्णय गरेको बताइरहेका छन् ।
आमिरको बहुप्रतीक्षित चलचित्र ‘लाल सिंह चढ्डा’ आउँदो क्रिसमसमा रिलिज हुनेगरी प्रोडक्सनको क्रममा छ । यो चलचित्रमार्फत् आमिर र करिना कपुर एक साथ देखिँदैछन् ।
आमिर खान केहि दिन अघि ‘कोइ जाने ना’ को शूटिङका लागि जयपुर प्रस्थान गरेको तस्वीर टिमसहित बाहिरीएको थियो ।
यो खबर पढेर तपाईलाई कस्तो महसुस भयो ?
प्रतिक्रिया