म्यानचेस्टर युनाईटेडसँग सिटीलाई ३ अंकको अग्रता

काठमाडौं । इंग्लिस प्रिमियर लिग फुटबलमा म्यानचेस्टर सिटीले सहज जित हात पारेको छ । बुधवार राति भएको खेलमा सिटीले बर्नलीलाई २-० गोल अन्तरले पराजित गरेको हो ।

बर्नलीको मैदानमा जिससले तेस्रो मिनेटमा गोल गर्दै टोलीलाई अग्रता दिलाएका थिए । खेलको ३८ औं मिनेटमा स्ट्रर्लिङले गोल गर्दै सिटीलाई २-० को जित दिलाए ।

जितसँगै सिटीले लिगमा ३ अंकको अग्रता बनाएको छ । सिटीले २१ खेलमा ४७ अंक जोडेको छ । दोस्रो स्थानको म्यानचेस्टर युनाईटेडको ४४ अंक रहेको छ ।

बर्नली २२ अंक जोडेर १७ औं स्थानमा रहेको छ ।

• एजेन्सी