काठमाडौं । प्रधानमन्त्री केपी शर्मा ओलीले नारायणहिटी अगाडिको जनसभालाई सम्बोधन गर्दै जनताले चुनाव चाहेको बताएका छन् । उनले सभामा सहभागिलाई नारा लगाएको शैलीमा सोध्दै भने–अस्थिरता होइन, जनता के चाहन्छ ? जनता के चाहन्छ ?’ ओलीको प्रश्नात्मक भीडबाट नेता कार्यकर्ताले भने, ‘चुनाव चाहियो….!’
त्यसपछि ओलीले उत्साहित हुँदै अब अस्थिरता होइन जनताले चुनाव चाहिएको भन्दै देश चुनावमा होमिएको बताए । उनले देश चुनावतर्फ गएको भन्दै कसको नेतृत्वमा सरकार बन्छ भन्ने जनताले नै फैसला गर्ने बताए । ‘अब देशक चुनावतिर गयो गयो सबै कुरा चुनावले फैसला गर्छ ’, उनले भने । सो क्रममा नेता कार्यकर्ताले ओलीको समर्थनको व्यापक नाराबाजी गरेका थिए ।
नाराबाजी लामो समयसम्म गएपछि ओलीले शान्त रहन आग्रह गरेका थिए । २–४ जना मान्छेले पार्टी छाडर गएपछि आयोगहरु बन्यो । चुनाव भएको ३ वर्षपछि आयोग बन्यो जब दुई चार जना मान्छे पार्टी छाडेर बाहिर गए । ति मान्छे हुँदासम्म हामीले अयोग बनाउन सकेनौँ । आयोग बनकोको मात्रा पिर । अयोग बनेको भोलिपल्ट नेपाल बन्द । दलितको, मधेसीको समस्या उठाउँनै नहुने । पिछडिएको वर्गको नामा राजनति गर्ने तर आयोग बनाउँदा विरोध गर्ने ।
उनले यो सरकार ५ वर्षका लागि भन्दा प्रचण्ड–नेपाल समूहले केपी ओलीलाई हटाउनु पर्छ भन्नेमा लागेको पनि आरोप लगाए । केपी ओलीलाई हटाएर स्थायित्व हुन सक्दैन । प्रचण्ड–नेपाल आफ्नो स्वार्थका लागि सरकार र संसदलाई ठीक ढंगले चल्न नदिएको बताए ।
पहिलेकै जस्तो किनबेच र समीकरणको राजनीति प्रचण्ड नेपाल समूहले गरेको पनि ओलीले आरोप लगाए । काम गर्नै नसक्ने अवस्था भएपछि ताजा जनादेशको लागि आफू अघि बढको पनि बर्ताए ।
यो खबर पढेर तपाईलाई कस्तो महसुस भयो ?
प्रतिक्रिया