ताप्लेजुङबाट १ थान पेस्तोल बरामद

काठमाडौं । ताप्लेजुङमा प्रहरीले १ थान पेस्तोल बरामद गरेको छ । मिक्वाखोला गाउँपालिका-४ साँवास्थित बाटोबाट १ थान पेस्तोल बिहीवार राति प्रहरीले बरामद गरेको छ ।

उक्त स्थानमा झै-झगडा भएको भन्ने खबर प्राप्त भएपछि प्रहरी चौकी साँवाबाट खटिएको प्रहरीले घटनास्थलबाट उक्त पेस्तोल फेला पारी बरामद गरेको हो ।

यस सम्बन्धमा प्रहरीले थप अनुसन्धान गरिरहेको बताएको छ ।