महिला लिग फुटबल : चन्द्रपुरको दोस्रो जित

काठमाडौं । राष्ट्रिय महिला लिग फुटबलमा रौतहटको चन्द्रपुर नगरपालिकाले जित हात पारेको छ ।

सातदोबाटोस्थित एन्फा कम्प्लेक्समा आइतवार विराटनगर महानगरपालिकालाई १-० गोल अन्तरले पराजित गर्दै चन्द्रपुरले लिगमा दोस्रो जित निकालेको हो ।

खेलको ७० औं मिनेटमा चन्द्रपुरकी रजनी थोकरले निर्णायक गोल गरिन् । पहिलो हाफ गोलरहित बराबरीमा सकिएको थियो ।

दोस्रो जित निकालेसँगै चन्द्रपुरले ७ खेलमा ६ अंक जोडेको छ । चन्द्रपुर लिगको छैटौं स्थानमा रहेको छ ।

विराटनगरको ७ खेलमा १० अंक सहित तेस्रो स्थानमा रहेको छ ।