सिकारलाई ताकेको बन्दुक दाजुलाई लागेपछि…

काठमाडौं । दाङमा सिकार खेल्ने क्रममा भरुवा बन्दुक पड्किँदा एक जनाको मृत्यु भएको छ ।

गढवा गाउँपालिका-२ तिरतिरे डाँडास्थित जंगलमा सिकार खेल्ने क्रममा सोही ठाउँ बस्ने २८ वर्षीय सूर्य बहादुर रानाले बोकेको भरूवा बन्दुक पड्किएर उनकै दाई ४० वर्षीय ईन्द्र बहादुर रानाको मंगलवार दिउँसो घटनास्थलमै मृत्यु भएको छ ।

घटनाको खबर प्राप्त भएपछि प्रहरी चौकी गोबर्डिया र ईलाका प्रहरी कार्यालय गढवाबाट खटिएको प्रहरीले सूर्य बहादुर रानालाई पक्राउ गरी यस सम्बन्धमा थप अनुसन्धान गरिरहेको बताएको छ ।