काठमाडौं । एटलान्टा कोपा इटालिया फुटबलको फाइनलमा प्रवेश गरेको छ । बुधवार राति भएको सेमिफाइनलको दोस्रो लेगमा नापोलीलाई ३-१ गोलले पराजित गर्दै एटलान्टा फाइनलमा प्रवेश गरेको हो ।
पहिलो लेगमा भने एटलान्टा र नापोलीले गोलरहित बराबरी खेलेका थिए । दोस्रो लेगमा एटलान्टालाई जित दिलाउन माटियो पेसिनाले दुई गोल गरे । डुभान जापटाले एक गोल गरे ।
नापोलीका हिर्भिङ लोजानाले एक गोल फर्काए ।
खेलको १० औं मिनेटमा जापटाको गोलबाट एटलान्टाले अग्रता बनाएको थियो । खेलको १६ औं मिनेटमा पेसिनाले गोल गरेपछि एटलान्टाको अग्रता २-० को बन्यो ।
खेलको ५३ औं मिनेटमा नापोलीका लोजानोले गोल गर्दै खेललाई २-१ मा ल्याए । त्यसपछि खेलको ७८ औं मिनेटमा पेसिनाले व्यक्तिगत दोस्रो गोल गर्दै एटलान्टालाई ३-१ को जित दिलाए ।
अब उपाधिका लागि एटलान्टाले युभेन्टससँग भिड्ने छ । एटलान्टा र युभेन्टसबीचको फाइनल खेल १९ मे मा हुनेछ ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया