एपीएफलाई पराजित गर्दै पुलिसले चुम्यो टाइगर कपको उपाधि

काठमाडौं । नेपाल पुलिस क्लबले टाइगर कप आमन्त्रित राष्ट्रिय क्लब भलिबल च्याम्पियनसिप अन्तर्गत महिलातर्फको उपाधि हात पारेको छ ।

पोखरा रंगशालामा शनिवार भएको फाइनलमा एपीएफ क्लबलाई ३-० को सोझो सेटमा पराजित गर्दै पुलिसले उपाधि चुमेको हो ।
पुलिसले डर्बी क्लब एपीएफमाथि २५-२२, २५-२२ र २५-२१ को सेटमा जित निकाल्यो ।

पुलिस एपीएफमाथि लगातार दोस्रो भेटमा जित निकाल्दै च्याम्पियन बनेको हो । यससँगै पुलिसले लगातार दोस्रो उपाधि जितेको हो । उपाधिसँगै पुलिसले १ लाख ५० हजार प्राप्त गरेको छ ।