साम्बाको ह्याट्रिकमा एपीएफको शानदार जित

काठमाडौं । राष्ट्रिय महिला लिग फुटबलमा एपीएफले अपराजित रहेको छ । शनिवार भएको खेलमा वालिङ नगरपालिकालाई ६-० गोल अन्तरले पराजित गर्दै एपीएफले जितको यात्रालाई कायम राखेको हो ।

सातदोबाटोस्थित एन्फा कम्प्लेक्समा एपीएफलाई जित दिलाउन सावित्रा भण्डारीले ह्याट्रिकसहित ५ गोल गरिन् । यस्तै प्रिती राईले एक गोल गरिन् ।

जितसँगै एपीएफले ९ खेलमा २७ अंक जोडेको छ ।

वालिङ ९ खेलमा १४ अंक जोडेर तेस्रो स्थानमा रहेको छ ।