प्रिमियर लिग : म्यानचेस्टर सिटी र टोटेनहम भिड्दै

काठमाडौं । इंग्लिस प्रिमियर लिग फुटबलमा आज म्यानचेस्टर सिटी र टोटेनहम भिड्दै छन् । सिटीले घरेलु मैदानमा टोटेनहमसँग खेल्ने छ । सिटी र टोटेनहमबीचको खेल राति ११:१५ बजे शुरु हुनेछ ।

घरेलु मैदानमा टोटेनहमविरुद्ध मैदान उत्रदा सिटी सहज जित निकाल्ने लक्ष्यमा रहेको छ । सिटी टोटेनहमलाई हराएर शीर्ष स्थानको अग्रता समेत थप फराकिलो बनाउन चाहन्छ ।

सिटी दोस्रो स्थानको युनाईटेड भन्दा ५ अंकले अघि रहेको छ । सिटीले २२ खेलमा ५० अंक जोडेको छ ।

टोटेनहम भने ३६ अंक जोडेर आठौं स्थानमा रहेको छ । टोटेनहम पनि सिटीलाई हराएर अंक तालिका सुधार गर्न चाहन्छ ।

• एजेन्सी