इन्टर मिलान सिरी ए फुटबलको शीर्ष स्थानमा

काठमाडौं । जितसँगै इन्टर मिलान इटालियन सिरी ए फुटबलको शीर्ष स्थानमा उक्लिएको छ । आइतवार राति भएको खेलमा लाजियोलाई ३-१ गोल अन्तरले पराजित गर्दै इन्टर शीर्ष स्थानमा उक्लिएको हो ।

घरेलु मैदानमा इन्टरलाई जित दिलाउन रोमेलु लुकाकुले दुई गोल गरे । लाउटरो मर्टिनेजले एक गोल थपे । लाजियोका मिलिनकोभिक साभिकले एक गोल फर्काए ।

घरेलु मैदानमा २२ औं मिनेटमा लुकाकुले पेनाल्टीबाट गोल गर्दै टोलीलाई अग्रता दिलाएका थिए । पहिलो हाफको इन्जुरी समयमा लुकाकुले व्यक्तिगत दोस्रो गोल गर्दा इन्टर २-० ले अघि रह्यो ।

लुकाकुले आफ्नो करियरको ३०० औं गोल समेत पुरा गरेका छन् । खेलको ६१ औं मिनेटमा साभिकले गोल गरेपछि खेल २-१ को स्थितिमा आयो ।

त्यसपछि खेलको ६४ औं मिनेटमा मार्टिनेजले गोल गर्दै इन्टरलाई ३(१ को जित दिलाए । जितसँगै शीर्ष स्थानमा उक्लिएको इन्टरले २२ खेलमा ५० अंक जोडेको छ ।

इन्टर दोस्रो स्थानको एसी मिलान भन्दा १ अंकले अघि रहेको छ । लाजियो ४० अंक जोडेर सातौं स्थानमा रहेको छ ।

• एजेन्सी