साम्बाले महिला लिगको बाँकी खेल गुमाउने

काठमाडौं । एपीएफ क्लबकी स्ट्राइकर सावित्रा भण्डारी (साम्बा) ले राष्ट्रिय महिला लिग अन्तर्गतको बाँकी खेल गुमाउने भएकी छिन् । राष्ट्रिय लिग अन्तर्गत सोमवार नेपाल पुलिस क्लबविरुद्धको खेलमा चोट बोकेपछि सावित्राले बाँकी खेल गुमाउने भएको हुन् ।

लिगको उपाधि नजिक रहेको एपीएफले अब दुई खेल खेल्न बाँकी रहेको छ । सावित्रा खेलको ६९ औं मिनेटमा पुलिसकी गोलकिपर उषा नाथसँग ठोक्किएपछि घाइते भएकी थिइन् ।

जारी लिगमा सावित्राले १० खेलमा ४३ गोल गरिसकेकी छिन् ।