तास खेलिरहेको अवस्थामा १५ जना पक्राउ

काठमाडौं – कावासोती नगरपालिका – ४ मा तास खेलिरहेको अवस्थामा प्रहरीले १५ जनालाई पक्राउ गरेको छ ।

कावासोती नगरपालिका – ४ बस्ने ३६ वर्षीय लेख बहादुर थारुको घरमा तास खेलिरहेको अवस्थामा उनीसहित १५ जनालाई जिल्ला प्रहरी कार्यालयबाट खटिएको प्रहरी टोलीले पक्राउ गरेको हो ।

उनीहरुको साथबाट प्रहरीले ४७ हजार ४ सय ५५ रुपैयाँ र २ बुक तास बरामद गरेको छ ।

यस सम्बन्धमा प्रहरीले थप अनुसन्धान गरिरहेको जनाएको छ।