कस्तो रहनेछ आज तपाईको दिन ? २०७७ फाल्गुन १० गते सोमबारको राशिफल हेर्नुहोस्

काठमाडौं – आज वि. सं २०७७ साल फाल्गुन १० गते । सोमबार । इ.स. २०२१ फेब्रुवरी २२ तारिक । शकसंवत् १९४२ । प्रमादी संवत्सर । उत्तरायण । शिशिर ऋतु । नेपाल संवत् ११४१ । माघ शुक्लपक्ष । तिथी– दशमी, १४ बजेर ३२ मिनेट उप्रान्त एकादशी । नक्षत्र–मृगशिरा, ०८ बजेर ४२ मिनेट उप्रान्त आद्र्रा । योग–प्रिती,२७ बजेर ३१ मिनेट उप्रान्त आयुष्मान । करण–गर, १४ बजेर ४२ मिनेट उप्रान्त वणिज, २७ बजेर ०३ मिनेट उप्रान्त भद्रा । आनन्दादिमा–आनन्द योग । चन्द्रराशि–मिथुन । काठमाडौंमा सूर्योदय बिहान ०६ बजेर ३७ मिनेटमा, सूर्यास्त १७ बजेर ५८ मिनेटमा । दिनमान २८ घडी २३ पला । शल्य दशमी ।

मेष : (चू,चे,चो,ला,लि,लू,ले,लो,अ) आफ्नै मेहनतले व्यवसायमा फड्को मार्न सकिनेछ । लगनशिलताको साथ गरीने कामको उच्च मुल्याङकन हुनेछ । दाजुभाई तथा छिमेकीसँगको सम्बन्ध सुधार गर्दै नयाँ कामहरु गर्न सकिनेछ । प्रतिष्पर्धीहरु सहयोगी बन्नेछन् भने कुनैपनि प्रतिस्पर्धामा तपाईँको नाम अग्र स्थानमा आउनेछ । पढाइ लेखाइमा मन जानेछ भने पढाइकै सवालमा यात्रा हुनेछ ।

वृष : (ई,ऊ,ए,ओ,वा,वी,वू,वे,वो ) अध्ययन अध्यापनमा सुधार भएर जानेछ भने बौद्धिक क्षेत्र फराकिलो भएर जानेछ । आफन्त तथा साथिभाईबाट सुनिने सुखद समाचारले उत्साहित होईनेछ । व्यापार व्यवसायबाट मनग्गे धन आर्जन हुनुको साथै नयाँ काम आरम्भ गर्न सकिनेछ । प्रेमिल जोडीहरुका लागी समय उत्तम रहेकोछ । बोलिको प्रभाव बढ्नाले थोरै बोलेर मनग्गे धन आर्जन गर्न सकिनेछ।

मिथुन : (का,की,कू,घ,ङ,छ,के,को,हा ) आफ्नो दैनिक काम समयमा सम्पादन गरी वचेको समय समाजसेवामा खर्चन पाईने हुनाले मान सम्मान पाईनेछ । ईच्छाशक्ति बढ्ने तथा कृतिमानी काम गरी नाम तथा दाम दुवै कमाउन सकिनेछ । प्रेम तथा मित्रताको बन्धन कसिलो हुने तथा जीवन साथीको सहयोग पाईनेछ । पढाइमा मन जाने तथा नतिजा आफैँतिर ल्याउन सकिनेछ ।

कर्कट : (ही,हू,हे,हो,डा,डी,डु,डे,डो ) समय तथा कामको तालमेल नमिल्दा अरुभन्दा पछि परिनेछ । अध्ययनमा मन नजानाले नतिजा अरुकै पोल्टोमा पर्नेछ । खानपानमा ध्यान दिनुहोला स्वास्थ्यमा समस्या आउने तथा औषधी उपचार खर्च बढ्नेछ । बसाई सराई तथा लामो दूरिको यात्राको तय हुनेछ । विदेशी लगानीबाट सञ्चालित संस्थामा काम पाईनेछ । प्रेममा नजिक हुन सकिनेछ । व्यापारी, विद्यार्थी तथा सामाजिक काम गर्नेहरुका लागी समयले साथ दिनेछ ।

सिंह : (मा,मी,मू,मे,मो,टा,टी,टू,टे) ईमान्दार तथा लगनशिल भएर लाग्नाले समाजमा राम्रा काम गरी नाम तथा दाम दुवै कमाउन सकिनेछ । कार्यक्षेत्रमा प्रतिष्ठित काम गरी सबैको ध्यान केन्द्रित गर्न सकिनेछ । पढाइ लेखाइमा भनेजस्तो नतिजा हात पार्न सकिनेछ भने शिक्षा क्षेत्र तथा वित्तीय क्षेत्रमा समय लगानी गर्नेहरुका लागी समय फलदायी रहेकोछ । माया प्रेममा रमाउन चाहनेहरुका लागी समय राम्रो रहेको छ।

कन्या : (टो,पा,पी,पू,ष,ण,ठ,पे,पो) कर्म भावमा गोचर गर्ने शुभ चन्द्रमाले व्यापार व्यावसायमा लगानी गरी मनग्गे लाभ लिन सकिनेछ । राजनीति तथा समाजसेवामा जनताको गतिलो समर्थन पाईनेछ । पढाइ लेखाइमा भनेजस्तो नतिजा हात पार्न सकिने हुनाले गुरु वर्ग तथा आफन्त खुशी हुनेछन् । माया प्रेममा सामिप्यता बढ्नेछ । कार्यक्षेत्रमा प्रभाव बढ्ने तथा बढोत्तरिको योग रहेकोछ । कृषि व्यावसाय, पशुपालन व्यवसायमा लगानी गरी आम्दानी बढाउन सकिनेछ ।

तुला : (रा,री,रु,रे,रो,ता,ती,तू,ते ) बौद्धिक,प्राज्ञिक तथा सिर्जनात्मक कामबाट भनेजस्तो नतिजा हात पार्न सकिनेछ । धर्म तथा अध्यात्म क्षेत्रमा विशेष रुची बढ्नेछ । दार्शनिक विषयवस्तुमा मन जाने हुनाले फराकिलो ज्ञान आर्जन गर्न सकिनेछ । व्यापार व्यावसाय फस्टाएर जाने हुनाले प्रशस्त आम्दानी हुनेछ । दाम्पत्य सुख,प्रेम सम्वन्ध तथा पारिवारिक सम्वन्ध सुमधुर हुनेछ ।

वृश्चिक : (तो,ना,नी,नू,ने,नो,या,यी,यू ) व्यक्तिगत स्वास्थ्य तथा वैराग्यभाव त्यागेर अगाढ बढ्नुहोला । सवारी साधन तथा भौतिक सम्पतीको प्रयोग गर्दा विशेष सावधानी अपनाउनु होला । आलश्य तथा थकानको अनुभूति हुनेछ भने दिनभर परिश्रम गरेपनि न्यून उपलब्धी हासिल हुनेछ । अध्ययनमा अलि बढिनै समय खर्चदा मात्र नतिजा हात पार्न सकिनेछ । प्रेममा धोका हुनसक्छ ।

धनु : (ये,यो,भा,भी,भू,ध,फा,ढा,भे ) समय र परिस्थितिले साथ नदिदा व्यापारमा लगानि डुब्ने खतरा रहेकोछ । व्यापारकै सवालमा गरीने यात्रा निस्फल हुनेछ । सानो बिषयमा घर परिवार तथा आफन्तसँग राय बाजिनेछ । खानपानमा ध्यान नदिए स्वास्थ्यमा समस्या पैदा भई दैनिक कामहरु गर्न सकिने छैन । भौतिकता रमाउन खोज्दा अप्रिय घटना नहोला भन्न सकिन्न ।

मकर : (भो,जा,जी,जू,जे,जो,ख,खी,खू,खे,खो,गा,गी) शत्रुमाथि विजय गर्न सकिनेछ । आँट, साहस हिम्मतले कामहरु सम्पादन हुनेछन् । अध्ययनमा एक कदम अगाडी बढि नतिजा हात पार्न सकिनेछ। पूराना ऋण तिर्न सकिने तथा रोग केही भए विशेक हुनेछ । मामा मावली पक्षसँग बिग्रेका सम्बन्ध सुधार हुनेछ । पछीसम्म आम्दानी भईरहने व्यवसाय सुरु गर्न सकिनेछ । प्रेमको डोरो कसिलो हुनेछ ।

कुम्भ : (गू,गे,गो,सा,सी,सू,से,सो,दा) राम्रा काम गरी अरुको विश्वास जित्न सकिनेछ भने पुरुषार्थी काम गरी नतिजा आफैतिर पार्न सकिनेछ । नयाँ प्रविधीको प्रयोग मार्फत् आम्दानीका स्रोतहरु बढाउन सकिनेछ । प्रतिस्पर्धामा प्रतिस्पर्धीहरुलाई किनार लगाउँदै विजय भईनेछ । आफन्त तथा मामापक्षबाट भनेजस्तो सहयोग पाईनाले मन प्रशन्न रहनेछ । खर्च बढेपनि राम्रा काम गर्दै अगाडी बढ्न सकिनेछ ।

मीन  : (दी,दू,थ,झ,ञ,दे,दो,चा,ची) आफ्नै भन्नेहरुले आश्वासन बाँड्ने तर समयमा काम नगर्दिनाले समस्या पैदा हुनेछ । मन परेको मानिससँग टाढिनु पर्दा मन मुटुमा जलन पैदा हुनेछ । घरजग्गा तथा सवारी साधनको विषयमा विवाद गर्नुपर्ला । राजनीति तथा समाजसेवामा जनताको समर्थन भन्दा आलोचना नै धेरै हुनेछ । पाईरहेको पद गुम्ने खतरा रहेकोछ ध्यान दिनुहोला ।

सोमवार जन्मिएका मानिसहरुको भाग्य कस्तो हुन्छ, कुन क्षेत्रमा प्रगति गर्दछन्  ?  

जन्मवार अनुसार मानिसको स्वभाव,विचार र कार्य गर्ने क्षमता फरक फरक हुने गर्दछ । भाग्य समेत जन्मबारले निर्धारण गर्ने शास्त्रीय मान्यता रहेको छ । मानिसको जन्म समय, तिथि, बार, स्थान अनुसार उसको ग्रह दशा,भविष्य निर्धारण भएजस्तै जन्मबारले पनि भाग्यको निर्धारण हुन्छ । ज्योतिष विज्ञानले पनि मानिसको आचरण र भाग्य पनि कस्तो हुन्छ त भन्ने कुरा जन्मवार बाट थाहा पाउन सकिने कुरा मान्दछ । यसर्थ सोमवार जन्मेका मानिसहरु कस्ता हुन्छन् यहाँ उल्लेख गरिएको छ ।

सोमवार जन्मेका मानिसहरुमा चन्द्रमाको प्रभाव बढि हुन्छ । जसरी पूर्णिमाको चन्द्रमाले मानव,जिव तथा वनस्पतीले शितलता लिईरहेका हुन्छन् । त्यस्तै सोमवार जन्मने मानिसहरु शालिन,शान्त तथा अरुलाई शितलता प्रदान गर्न सक्ने क्षमता भएका हुन्छन् । सोमवार जन्मेका व्यक्तिहरुको स्मरण शक्ति निकै तेज हुन्छ । ज्योतिष बिज्ञानका अनुशार चन्द्रमाको गती अन्य सबै ग्रहहरु भन्दा छिटो छ । त्यसैले पनि सोमवार जन्मने मानिसहरु छिटो छरितो ढंगले कामहरु गर्न रुचाउछन् । सौन्दर्यमा निकै ध्यान दिने यिनिहरुको सुन्दरताले धेरैलाई आकर्षित पनि गरेको हुन्छ ।

चन्द्रमा वायव्य दिशाको स्वामी मानिन्छ त्यसले सोमबार जन्मेका मानिसहरु बायव्य दिशामा गएर काम गर्ने वा प्रगति गर्दछन् । चन्द्रमालाई मन,मस्तिष्क र माताको कारक मानिने हुनाले सोमवार जम्मने मानिसको मन चन्चल तथा दिमाग तेजिलो हुन्छ । यिनिहरु निकै नै भावुक हुने हुनाले लेखन,कला तथा साहित्यमा राम्रो प्रगति गर्दछन् ।

सोमवारलाई यस,मुखकान्ती,जलीय स्थान,आयात निर्यात,होटल,माछा,तरल पदार्थ ईत्यादीको कारक बारपनि मानिन्छ । त्यसैले सोमबार जन्मने मानिसहरु औषधी,जल,दुध तथा दुग्ध पदार्थ, चादी,रेष्टुरेन्ट,जलसेना,हाईड्रो ईन्जिनियर,पाईलट ,खनिज पदार्थको व्यापार व्यवसायबाट मनग्गे धन सम्पती कमाउछन् । सोमबार जन्मने मानिसहरु प्राय गरेर डाक्टर,पाईलट,हाईड्रो ईन्जिनियर,कृषि तथा पशुपालन र मिडिया सम्बन्धी शिक्षामा आफूलाई अब्बल साबित गर्दछन् ।

सोमवार जन्मने मानिसहरु लाई प्रजनन् सम्बन्धी रोग,गर्भाशयबाट हुने रोग,जलबाट हुने रोग,रगत,नेव्रे आखा तथा छाती सम्बन्धी समस्या देखा पर्दछ । यिनिहरु संवेदनशील हुन्छन् र चाँडै ‘नर्भस’ पनि हुन्छन् ।

तपाईको दिन शुभ रहोस् ।
ज्योतिषी दुर्गा भण्डारी ।