नेपालमा थप ८० जनामा कोरोना संक्रमण पुष्टि, मृतक संख्या शून्य

काठमाडौं । बितेको २४ घन्टामा नेपालमा थप ८० जनामा कोरोना संक्रमण पुष्टि भएको छ । आइतवार स्वास्थ्य तथा जनसंख्या मन्त्रालयका अनुसार थप ८० जनामा कोरोना संक्रमण देखिएको छ ।

यससँगै हालसम्म कोरोना संक्रमितको संख्या २ लाख ७३ हजार ४ सय ३१ पुगेको छ ।

मन्त्रालयका अनुसार,थप १ सय २१ जना संक्रमित कोरोना संक्रमण मुक्त भएका छन् । यससँगै हालसम्म कोरोना संक्रमण मुक्त हुनेहरूको संख्या २ लाख ६९ हजार ८ सय ७६ पुगेको छ ।

हालसम्म मुलुकभर १ हजार ४ सय ९४ सक्रिय संक्रमित रहेको मन्त्रालयले जनाएको छ ।

आइतवार कोरोना संक्रमणबाट मृत्यु हुनेको संख्या शून्य छ । आइतवारसम्म कुल २ हजार ६१ जनाको संक्रमणबाट मृत्यु भएको छ ।