सुतिरहेका आमा छोरीमाथि धारिलो हतियार प्रहार

काठमाडौं । सिन्धुलीमा आमा छोरीमाथि धारिलो हतियार प्रहार गरेर घाइते बनाएको अभियोगमा एक जना पक्राउ परेका छन् ।

धारिलो हतियार प्रयोग गरी घाइते बनाएको आरोपमा सिन्धुलीको कमलामाई नगरपालिका-१० दोभानका प्रमोद कुमार सिंह महतोलाई प्रहरीले पक्राउ गरेको हो ।

महतोले घरमा सुतिरहेको अवस्थामा ५५ वर्षीया हरिमाया घिमिरे उनकी २६ वर्षीया छोरी दुर्गामायामाथि गएराति १२ बजे सुतिरहेको अवस्थामा धारिलो हतियार प्रहार गरेको प्रहरीको आरोप छ ।

घाइते आमाछोरीलाई उपचारका लागि धनुषास्थित जनकपुर अस्पताल पठाइएको प्रहरीले जनाएको छ ।

घटनाबारे थप अनुसन्धान भइरहेको जिल्ला प्रहरी कार्यालय धनुषाले जनाएको छ ।