पेस्तोलसहित एक जना पक्राउ

काठमाडौं । सिन्धुलीमा कटुवा पेस्तोलसहित एक जना पक्राउ परेका छन् । मरिण गाउँपालिका-६ प्रतिटोल बस्ने सांगे लामा भन्ने २६ वर्षीय सांगे दोङलाई १ थान कटुवा पेस्तोल सहित आइतवार साँझ प्रहरीले पक्राउ गरेको छ ।

सोही गाउँपालिका-६ चंदुरी खोलामा ईलाका प्रहरी कपिलाकोटबाट खटिएको प्रहरीलाई देख्नासाथ भाग्न खोजे पश्चात उनलाई नियन्त्रणमा लिई सोधपुछ गर्दा सोही ठाउँस्थित प्रतिटोल जंगलमा लुकाई राखेको अवस्थामा उक्त पेस्तोल फेला पारी उनलाई पक्राउ गरेको हो ।

यस सम्बन्धमा स्थानीय प्रहरीले थप अनुसन्धान गरिरहेको बताएको छ ।