बाख्राको खोरमा लुकाएर राखेको १२ किलो गाँजा बरामद

म्याग्दी । मालिका गाउँपालिका २ बाट अवैध १२ किलो लागूऔषध गाँजासहित  एक जना पक्राउ परेका छन् ।

पक्राउ पर्नेमा सोही गाउँपालिकाका ३४ वर्षीय होम बहादुर पुन रहेका छन् ।
पुनलाई हिजो बिहीवार बिहान पक्राउ गरेको हो ।

पुनले बाख्राको खोरमा करिब १२ किलो ८ सय ५० ग्राम अवैध लागूऔषध गाँजा लुकाई राखेको भन्ने सूचनाको आधारमा ईलाका प्रहरी कार्यालय दरवाङबाट खटिएको प्रहरीले उनलाई उक्त गाँजा सहित फेला पारी पक्राउ गरेको प्रहरीले जनाएको छ ।

यस सम्बन्धमा थप अनुसन्धान गरिरहेको स्थानीय प्रहरीले जनाएको छ ।