आहा रारा गोल्डकपको ट्रफी बेलायतबाट आउने

काठमाडौं । मोफसलको चर्चित फुटबल प्रतियोगिता आहा रारा गोल्डकप फुटबलको १९ औं संस्करणमा विधागत उत्कृष्ट खेलाडीहरुले प्राप्त गर्ने ट्रफी बेलायतबाट आउने भएको छ ।

आयोजक सहारा क्लब पोखराले हरेक खेलको म्यान अफ दी म्याचसहित विभिन्न विधामा उत्कृष्ट खेलाडीलाई प्रदान गरिने ट्रफी बेलायतबाट आउने जनाएको छ ।

प्रतियोगितामा १० वटा खेलको लागि १० वटा म्यान अफ दी म्याच ट्रफी, उत्कृष्ट स्टाइकर, उत्कृष्ट मिडफिल्डर, उत्कृष्ट डिफेन्डर,उत्कृष्ट गोलरक्षक, सर्वाधिक गोलकर्ता, अनुशासित टोली र उत्कृष्ट प्रशिक्षकलाई प्रदान गरिने आकर्षक ट्रफी बेलायतबाट आउने छ ।

सहारा क्लब यूकेको सहयोगमा उक्त ट्रफी आउने भएको हो । त्यस गरी विजेता तथा उपविजेता खेलाडीहरुलाई प्रदान गरिने मेडल समेत बेलायतबाट आउने छ ।

प्रतियोगिता चैत १७ गते देखि २८ गतेसम्म पोखरा रंगशालामा हुने जनाएको छ ।