बाल विवाह गराउन खोज्ने बेहुला र उनका बाबु पक्राउ

काठमाडौं । पर्सामा बाल विवाह गर्ने बेहुला र उनका बाबुलाई प्रहरीले वीरगञ्जबाट पक्राउ गरेको छ । पक्राउ पर्नेमा वीरगञ्ज महानगरपालिका १६ नगवा बस्ने १९ वर्षका बेहुला र ४६ वर्षका उनका बुवा रहेका छन् ।

वीरगञ्ज १६ स्थित लक्ष्मीनारायण टोलमा १७ वर्षकी बालिकाको विवाह भइरहेको सूचनाको आधारमा गएको प्रहरीले बेहुला र उनका बुवालाई पक्राउ गरेको पर्साका प्रहरी नायब उपरीक्षक ओम प्रकाश खनालले जानकारी दिए ।

आरोपितलाई बाल विवाह सम्बन्धी कसूरमा मुद्दा दर्ता गरि अनुसन्धान भइरहेको खनालले बताए ।