मोरङमा ट्याक्टर दुर्घटना : एक जनाको मृत्यु

काठमाडौं । मोरङमा ट्याक्टर दुर्घटना हुँदा १८ वर्षीय युवकको मृत्यु भएको छ । मोरङको केराबारी गाउँपालिकामा भएको ट्याक्टर दुर्घटनामा १८ वर्षीय सह– चालकगजेन्द्र राईको मृत्यु भएको हो ।

शनिवार बिहान तीव्रगतिमा रहेको २त ५५०० नम्बरको  ट्याक्टर अनियन्त्रित भएर दुर्घटना भएको इलाका प्रहरी कार्यालय बेलबारीले जनाएको छ ।

ट्याक्टरमा रहेका इटहरीकै २२ वर्षीय राजु थापा भने घाइते भएका छन् । घाइते राजुको धरानमा उपचार भइरहेको प्रहरीले जनाएको छ ।