प्रधानसेनापति थापाले लगाए कोरोनाविरुद्धको खोप

काठमाडौं । प्रधानसेनापति पूर्णचन्द्र थापाले आज (सोमवार) कोरोना भाइरसविरुद्धको खोप लगाएका छन् । उनले छाउनीस्थित वीरेन्द्र सैनिक अस्पताल पुगेर खोप लगाएका हुन् ।

सरकारले भारतसँग किनेको २० लाख डोज खोपमध्ये १० लाख डोज खोप फागुन २३ गतेदेखि देशैभरका खोप केन्द्रहरुमा वितरण जनाएको छ ।

यसअघि भारतले नेपाललाई अनुदानमा उपलब्ध गराएको १० लाख डोज कोभिशिल्ड खोप गत माघ १४ गतेदेखि नेपालमा कोरोनाविरुद्धको खोप अभियान सुरु गरि लगाइएको थियो ।