धादिङको खत्रीपौवामा ट्रक दुर्घटना, चालकको अवस्था गम्भीर

काठमाडौं । धादिङको खत्रीपौवामा ट्रक दुर्घटना भएको छ । धुनिबेसी नगरपालिका-९ खत्रीपौवामा ट्रक दुर्घटना हुँदा २ जना घाइते भएका छन् ।

वीरगञ्जबाट काठमाडौंतर्फ आउँदै गरेको ना ६ ख १४ ९५ नम्बरको ट्रक आज बिहान साढे ५ बजे सडकबाट अन्दाजी १० मिटर तल खसेको छ ।

दुर्घटनामा ट्रक चालक बाराको जितपुर सिमरा उपमहानगरपालिका बस्ने अन्दाजी ४० वर्षीय हरी पौडेल र धादिङकै धुनिवेशी नगरपालिका ९ का २१ वर्षीय समीर पौडेल रहेका छन् ।

चालकको अवस्था गम्भीर रहेको इलाका प्रहरी कार्यालय खानीखोलाकी डीएसपी रुपा थापाले लोकपथलाई बताइन् । घाइते दुवै जनालाई उपचारको लागि काठमाडौं पठाइएको डीएसपी थापाले बताइन् ।

यो पनि : उताबाट अन्धाधुन्ध गोली चल्यो, हामीले जवाफी फायरिङ गर्‍यौँ : प्रहरी