सुर्खेतमा विवेकशील साझाको उपस्थिती, अन्य दललाई टाउको दुखाई

सुर्खेत, १९ असोज ।विवेकशील साझा पार्टीले सुर्खेतको निर्वाचन क्षेत्र नं २ मा आफ्नो संगठन विस्तार गरेको छ । बिरेन्द्रनगरमा बुधवार सम्पन्न क्षेत्र नं.२ को भेलाले पदम खनाललाई संयोजकको जिम्वेवमरी दिदैं संगठन निर्माणको अभियानलाई तिव्रता दिएको हो ।वैकल्पिक राजनीतिक शक्तिको रुपमा भर्खरै मात्र उदाएको विवेकशील साझामा समाजका लब्धप्रतिष्ठित व्यक्तित्व र शिक्षित युवाहरुको आकर्षण बढेको पार्टीका सुर्खेत संयोजक ओमदत्त रेग्मीले बताए । पार्टीले लिएका पद्धती, पारदर्शिता, ईमानदारीता र उत्कृष्टताको नीतिकै कारण पार्टीप्रति आकर्षण बढेको रेग्मीको भनाई छ ।भेलामा उपस्थित पार्टीका केन्द्रीय सदस्य तथा प्रदेश नं.६ का संयोजक गेन्द्र प्रसाद दाहालले पार्टी संगठन निर्माण संगसंगै प्रदेश सभा र संघिय सभा निर्वाचनमा होमिने बताए । दाहालले बिहिवार बस्ने जिल्ला संयोजन समितीको बैठकले उमेदवारको विषयमा टुंगो लगाउने जानकारी दिए ।काँग्रेसको गढका रुपमा परिचित सुर्खेतमा वैकल्पिक राजनीतिक शक्तिको रुपमा विवेकशील साझा पार्टी चुनौतीको रुपमा खडा भएको र यस्ले नयाँ राजनीतिक संस्कार र समृद्धिको ढोका खोल्ने विवेकशील साझा पार्टीले जनाएको छ ।