‘बी’ डिभिजन लिगमा आज दुई खेल हुँदै

काठमाडौं । सहिद स्मारक ‘बी’ डिभिजन लिग फुटबलमा आज मंगलवार दुई खेल हुँदैछ । आज ब्वाइज युनियन र श्री भगवती क्लब तथा टुसाल क्लब र श्री कुमारी क्लबबीच प्रतिष्पर्धा हुन लागेको हो ।

ब्वाइज र श्री भगवतीबीचको खेल अपरान्ह सवा १२ बजे शुरु हुनेछ । आज ब्वाइज जित निकाल्दै शीर्ष तीन क्लबसँगको अंक दुरी कम गर्न चाहन्छ ।
ब्वाइज १० खेलमा १७ अंक जोडेर चौंथो स्थानमा रहेको छ । २ अंक जोडेर सातौं स्थानमा रहेको श्री भगवती ब्वाइजलाई हराएर शीर्ष पाँचमा उक्लन चाहन्छ ।

टुसाल र श्री कुमारीबीचको खेल दिउँसो साढे ३ बजे शुरु हुनेछ । श्री कुमारी ११ अंक जोडेर नवौं स्थानमा रहेको छ भने टुसाल ९ अंक जोडेर दशौँ स्थानमा रहेको छ ।