काठमाडौं । सहिद स्मारक बी डिभिजन लिग फुटबलमा श्री भगवती क्लबले जित हात पारेको छ ।
मंगलवार सातदोबाटोस्थित एन्फा कम्प्लेक्समा भएको खेलमा श्री भगवतीले ब्वाइज युनियन क्लबलाई २-१ गोल अन्तरले पराजित गरेको हो ।
खेलको ४० औं मिनेटमा नवराजले गोल गर्दै श्री भगवतीलाई अग्रता दिलाएका थिए । ६३ औं मिनेटमा टंकले गोल गर्दै ब्वाइजलाई १-१ गोलको बराबरीमा फर्काए ।
खेलको ६७ औं मिनेटमा प्रज्वलले गोल गर्दै श्री भगवतीलाई २-१ को जित दिलाए । जितसँगै श्री भगवती पाँचौं स्थानमा उक्लिएको छ ।
श्री भगवतीले ११ खेलमा १५ अंक जोडेको छ ।
यो खबर पढेर तपाईलाई कस्तो महसुस भयो ?
प्रतिक्रिया