कैलाली- नेपाली यातायात व्यवसायीहरुले भारतको विभिन्न सहरमा सेवा सुविधा दिँदै आएका छन् । भारतीय यातायात व्यवसायीबाट लुटिने, पिटिने गुनासो आएपछि नेपालको धेरै यातायात व्यवसायीले धनगढीबाट भारतको विभिन्न सहरमा सेवा दिइरहेका छन् । तर, भारतमा मजदुरी गर्दै आएका नागरिकहरु भने तिनै नेपालीबाट नै ठगिने गरेको गुनासो उनीहरुको छ ।
नेपाली भएर पनि उजीहरुले विभिन्न बहानामा यातायात व्यवसायीहरुले दुःख दिने गरेको अछाम बान्नीगढी जयगढ गाउँपालिका–६ बस्ने पदम थापाले बताए । ‘पछिल्लो समयमा धनगढीबाट धेरै यातायात भारतको विभिन्न सहरमा पुग्छन्’,उनले भने, ‘उनीहरुको नियत पनि ठीक छैन् ।
यही फागुन २३ गते भारतको पुनाबाट छुटेको बसमा मध्यप्रदेश र राजस्थान बोर्डरमा चोरी भएको थापाले बताए । पुनाबाट छुटेको ४९५० नम्बरको बागेश्वरी टुर्स ट्राभल्सको बसमा ५ लाख बराबरको सामग्री गाडी चालककै संलग्नतामा लुटिएको उनले आरोप लगाए । उक्त बसमा थापा लगायत ६ जनाको धनमाल चोरी भएको हो । हिक्मत थापा, महेन्द्र विष्ट लगायत ६ जनाको धनमाल चोरी भएको हो ।
‘दिनेश खत्री र विष्णु जोशीले हाम्रो डिलक्स बसमा सुरक्षित साथ धनगढी पुर्याउछौँ भन्दै आफू सञ्चालक भएको गाडी नम्बर ४९५० मा पुनाबाट यात्रा शुरु भएको हो’ बसमा सामान लुटिएका अर्का व्यक्ति हिक्मत थापाले भने । भारतको पुनाकाट गौरीफण्टासम्मको भाडा १ हजार ६०० रुपैयाँ भारु भएपनि २ हजार ३०० रुपैयाँ लिएको उनले बताए ।
धनमाल चोरी भएको कुरा जिल्ला प्रहरी कार्यालय कैलालीलाई समेत जानकारी दिएको नागरिक तथा शान्ति समाज नेपाल संस्थामा कार्यरत मदन साउदले बताए । उनले नेपाली यातायात व्यवसायीबाट पटक–पटक ठगिने गरेको बताए । ‘भारतको विभिन्न सहरबाट आउने क्रममा नेपालीहरुलाई तोकिएको भन्दा बढी भाडा लिने, आर्थिक मानसिक र भौतिक पीडा समेत दिने गरेका छन् । साउदले भने, ‘नेपाली यातायात व्यवसायीबाट यात्रुहरु रुष्ट छन् । यसमा सरोकारवाला निकायको ध्यान जान आवश्यक छ ।
यो खबर पढेर तपाईलाई कस्तो महसुस भयो ?
प्रतिक्रिया