“डेढ-दुई वर्षपछि चुनावमा जाँदा के लोकतन्त्र समाप्त हुन्छ ? संविधान च्यातिन्छ ?”

काठमाडौं । प्रधानमन्त्री केपी शर्मा ओलीले विरोधीहरुलाई नक्कली लोकतन्त्रवादी भनेका छन् ।

शनिवार राजधानीमा अखिल नेपाल महिला संघको भेलालाई सम्बोधन गर्दै उनले अबको डेढ–दुई वर्षमा लोकतन्त्र र संविधानमा कुनै आँच नआउने उल्लेख गरे ।

डेढ–दुई वर्षपछि चुनावमा जाँदा के लोकतन्त्र समाप्त हुन्छ ? संविधान च्यातिन्छ ? , उनले भने, ‘नक्कली लोकतन्त्रवादीहरु, नक्कली जनवादीहरु हाउभाउसँग भाषण गर्छन्, लोकतन्त्र खत्तम पार्‍यो, चुनाव घोषणा गर्‍यो, जनताका बीचमा जाने कुरा गर्‍यो, ताजा जनादेश चाहियो भन्यो लोकतन्त्र, खत्तम पार्‍यो ।’