काठमाडौं । जर्मन बुन्डेसलिगा फुटबलमा शीर्ष स्थानको बायर्न म्युनिखले सहज जित हात पारेको छ । शनिवार राति भएको खेलमा बायर्नले वेर्डेर ब्रेमेनलाई ३-१ गोल अन्तरले पराजित गरेको हो ।
ब्रेमेनको मैदानमा खेलको २२ औं मिनेटमा गोर्टेज्काले गोल गर्दै बायर्नलाई अग्रता दिलाएका थिए ।
खेलको ३५ औं मिनेटमा जिनाब्रीले गोल गर्दा बायर्नल २-० को अग्रता बनायो । ६७ औं मिनेटमा लेवान्डोस्कीले गोल गर्दै बायर्नलाई ३-० को अग्रता दिलाए ।
यस गोलसँगै लेवान्डोस्कीले बुन्डेसलिगामा २ सय ६८ गोल पूरा गरेका छन् ।
लेवान्डोस्की बुन्डेसलिगामा सर्वाधिक धेरै गोल गर्ने खेलाडी सूचीको दोस्रो स्थानमा रहेका क्लाउस फिस्चरसँग बराबरी गोल गर्न समेत सफल भए ।
यस्तै खेलको ८६ औं मिनेटमा घरेलु टिमका निक्लासले एक गोल फर्काएपनि बायर्न ३-१ ले विजयी भयो ।
जितसँगै बायर्नले २५ खेलमा ५८ अंक जोडेको छ । ब्रेमेन ३० अंक जोडेर १२ औं स्थानमा रहेको छ ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया