काठमाडौं । ढोरपाटन क्लबको आयोजनामा भलिबलको बेसिक लेभल वान कोचेज कोर्ष हुने भएको छ । नेपाल भलिबल संघको सहयोगमा ढोरपाटनले लेभल वान कोर्ष गर्ने भएको हो ।
कोचेज कोर्ष चैत ५ देखि १४ गतेसम्म संचालन हुनेछ ।
कोर्षमा सहभागीलाई कपिल किशोर श्रेष्ठको नेतृत्वमा उत्सव खड्का र अन्तर्राष्ट्रिय रेफ्री कुल बहादुर रानाले प्रशिक्षण दिनेछन् ।
‘भलिबलमा विकास गर्ने उद्देश्यले बेसिक लेभल वान कोचेज कोर्ष गर्न लागेका हौँ । खेलाडीलाई राम्रो बनाउने नै हाम्रो प्रमुख उदेश्य हो ।’ जिल्ला भलिबल संघ काठमाडौंका अध्यक्ष शुदर्शन जमकटेलले लोकपथलाई बताए ।
प्रशिक्षण ढोरपाटनको मैदान, ऋत एकेडेमी र साउथ वेस्टर्न कलेज बसुन्धरामा हुनेछ । कोर्षमा कुल ५० जना प्रशिक्षकको सहभागिता रहनेछ ।
यो खबर पढेर तपाईलाई कस्तो महसुस भयो ?
प्रतिक्रिया