कन्टेनरले मोटरसाइकललाई ठक्कर दिँदा एक जनाको मृत्यु

काठमाडौं – ललितपुरको नख्खुदोबाटोमा भएको सवारी दुर्घटनामा एक जनाको मृत्यु भएको छ भने एक जना घाइते भएका छन् ।

गएराति ना २ ख ७५८३ नम्बरको कन्टेनरले प्रदेश नम्बर ३-०२- ०१८ प ८३६९ नम्बरको मोटरसाइकललाई ठक्कर दिँदा मोटरसाइकल चालक कास्की घर भई ललितपुरको बागडोल बस्ने ३७ वर्षीय गणेशप्रसाद अधिकारी को मृत्यु भएको हो ।

मोटरसाइकलको पछाडि सवार एकजना घाइते भएका छन् । उनको नर्भिक अस्पतालमा उपचार भइरहेको प्रहरीले जनाएको छ । कन्टेनर र चालक प्रहरीको नियन्त्रणमा छन्।