मोरङका शिष लिम्बुको टोखामा हत्या, ३ जना आरोपी पक्राउ

काठमाडौं- टोखा नगरपालिका–१ मा मोरङका आशिष लिम्बुको हत्या भएको छ । फागुन २९ गेत टोखाको मालुङ्ग साङ्ला ढलान नजिकै बाँसको झाङमा भेटिएका राईको हत्या भएको प्रहरीले जनाएको छ ।

मोटरसाईकल वर्कशपमा राईको हत्या गरेर शव फालेको प्रहरीको अनुसन्धानबाट खुलेको छ । हत्यामा संलग्न ३ जना आरोपीलाई प्रहरीले पक्राउ गरेको छ । पक्राउ पर्नेमा भारतिय नागरिक भुपेन्द्र कुमार, रौतहट घर भएका महमद कासिम मन्सुरी र अर्का एकजना छन् । महानगरीय प्रहरी परिसर काठमाडौंले मध्यान्ह पत्रकार सम्मेलन गरेर घटनाबारे जानकारी दिने तयारी गरेको छ ।

आशिष ड्रग एडिक्ट थिए । शनिवार कासिम मन्सुरीको वर्कशपमा उनि गाँजा खान गएका थिए । गाँजा खाँदा सामान्य भनाभन हुँदा भुपेन्द्र कुमारलाई उनले झापड हाने । सो विवाद हत्यामा गएर अन्त्य भएको प्रहरीको अनुसन्धानबाट खुलेको छ ।