आज काठमाडौंका यी स्थानमा बत्ती जाने

काठमाडौं । आज (शुक्रवार) काठमाडौंका विभिन्न स्थानमा विद्युत् आपूर्ति बन्द हुने भएको छ । नेपाल विद्युत् प्राधिकरणले महाराजगञ्ज वितरण केन्द्र अन्तर्गतका फिडरहरुमा मर्मत कार्य गर्न लागेकाले विद्युत आपूर्ति बन्द हुने जनाएको हो ।

प्राधिकरणका अनुसार महाराजगञ्ज, कपनमार्ग, मण्डिखाटार, रुद्रमती, फाट, गोल्फुटारलगायत ठाउँमा आज तीन घण्टा बत्ती जाने छ ।

महाराजगञ्ज वितरण केन्द्रको बाँसबारी फिडरअन्तर्गत पर्ने गङ्गालाल हस्पिटलदेखि गोल्फुटार क्षेत्रमा ११ मिटर पोल गाड्ने कामका लागि दिउँसो १ बजेदेखि ४ बजेसम्म लाइन काटेर काम गर्न लागिएको प्राधिकरणले जनाएको छ ।