गाई फर्ममा आगलागी २० वटा गाई जलेर मरे

सप्तरी । सप्तरीको एक गाई फर्ममा आगलागी हुँदा २० वटा गाई जलेर मरेका छन् । जिल्लाको अग्निसाइर कृष्णसवरण नगरपालिका ५ मा रहेको कृष्णराम बहुउद्देश्यीय कृषि फर्मको गोठ आज बिहान भएको आगलागीमा १८ वटा गाई र २ वटा बाच्छा जलेर मरेका सप्तरी प्रहरीले जनाएको छ ।

नोज साहको कृष्णराम बहुउद्देश्यीय कृषि फर्मको गोठमा ६० वटा गाई पालिएकामा २० वटा जलेर मरेका जिल्ला प्रहरी कार्यालय सप्तरीका प्रमुख एसपी राजेन्द्र धमलाले जानकारी दिनुभयो । अहिले आगो नियन्त्रणमा आएको छ । अहिले के(कति क्षति भयो भन्नेबारेमा लागत सङ्कलनको काम भइरहेको प्रहरीले जनाएको छ ।